World of Warcraft Trading Card Game (WoW TCG) е игра со карти која успешно ги доловува сите аспекти на својот online роднина. Ова е дуел кој се фокусира на борбата помеѓу двајца херои, управувани од страна играчите. Во таа борба играчите  употребуваат најразлични средства кои ќе им ја донесат победата: разновидни сојузници (allies) од сопствената фракција (Хорда или Алијанса), оружја, магии и слично, кои се содржани во картите. Исто така, тука е и елементот на исполнување на разни задачи (quest-ови) кои носат дополнителни добивки.

WoW TCG ја комбинира стратегијата со колекционерскиот елемент, создавајќи неверојатно интересна и забавна игра. Секој играч се обидува со помош на својот шпил да го совлада противникот, кој исто така има направено свој сопствен шпил. Поради тоа што постојано изегуваат нови едиции со различни карти, можностите за креирање на најразлични шпилови се бескрајни.

WoW TCG се продава во облик на шпилови (decks), чија содржина може да се менува според креативноста и потребите на играчот. За таа цел служат дополнителните пакетчиња со карти (boosters).