Светот на Zendikar наскоро ќе стане многу поинтересен. Бурните предели на оваа планета се разбеснети од непредвидливата мана и Zendikar станува уште поинтересно, но и поопасно место за посета.

Што ве очекува откако Zendikar му го отстапи своето место на Worldwake?

Да погледнеме...

Multikicker

Zendikar ја врати моќта на kicker, со кој некој спел е многу посилен ако имате мана за трошење. Во Worldwake ќе имате уште повеќе опции. Наместо kicker, во Worldwake има нова механика: multikicker.

Multikicker е токму она што го кажува самиот збор: kicker без ограничување. Спел со kicker можете да го kick-нете само еднаш или ниеднаш, тоа ви е да или не опција. Но, ако спелот има multikicker, тогаш можете да го kick-нете колку пати сакате или имате мана да платите. Ако Skitter of Lizards го извлечете рано, тогаш е солидно 1/1 или 2/2 суштество со haste. Но ако го извлечете подоцна во партијата, не сте заглавени со мало суштество. Колку ќе биде голем тој, зависи само од вас.

Светот се буди

Како што најавува и самото име на оваа едиција, земјата се буди и се вклучува во битката. Кога планини летаат во воздухот, а шумите беснеат околу вас, ќе посакате да повикате некои од овие предели да се борат за вас.

Што ќе кажете за Vastwood Zendikon? Оваа зелена аура може да биде закачена на било која земја и да ја претвори во огромно 6/4 суштество. Ако ја закачите на земја која сте ја контролирале од почетокот на вашиот потег, дури ќе можете веднаш да нападнете. Ако земјата која е енчантувана е уништена, ја враќате во рака и повторно ќе може да ја спуштите и да тригерувате некое од вашите спелови со landfall. Кога сме кај landfall...

Landfall

Landfall се враќа во Worldwake, па можете да очеквате уште многу карти кои ви даваат бонус кога земја ќе влезе во игра под ваша контрола.

Но, не сите карти со landfall во Worldwake го следат овој патерн. Некои од нив изгледаат вака:

Mysteries of the Deep е инстант кој можете да го одиграте кога сакате ако ви се потребни две карти. Но, ако почекате кога ќе влезе земја под ваша контрола, како награда ќе извлечете три карти. Тоа значи дека сте се откажале од флексибилноста и сте ја одиграле на свој потег, но може да значи дека сте нашле начин како да ставите во игра земја за време на потегот на вашиот противник, на пример преку Khalni Heart Expedition или Scalding Tarn.

Кор, вампири и allies

И покрај сите нови моменти, ќе најдете и познати фаци.

Вампирите се уште се прикрадуваат и во Worldwake. Kalastria Highborn, која патем ќе биде една од наградите на претстојниот Worldwake Gameday турнир (6 март) е една од новите лидери во вампирскиот клан, која може да го победи вашиот противник и без да нападнете со ниту еден од вашата хорда вампири.

Коровите исто така се враќаат. Некои од нив, како Kitesail Apprentice, се слични како своите браќа од Zendikar и уживаат кога носат некое парче опрема.

Пред вас се и цела низа нови сојузници (allies), кои ќе и помогнат на вашата авантуристичка дружина. Некои од нив се чисти мускули, но Halimar Excavator им дава на allies дековите можност за сосема нов начин на победа.

Тоа е тоа, воведен курс за механиките во Worldwake. Во оваа едиција има уште многу повеќе, но сфатете го ова како експедициска мапа кога повторно влегувате во дивиот свет на Zendikar.

Следната недела: Земјите се будат